CANTI DI I PANTANI -chant des marais

CANTI DI I PANTANI - Chant des marais

Adattazione di JEAN JOSEPH FRANCHI
CINQUI SO

 

 

U "Cantu di i Pantani" hè una adattazione d’una canzona francese "Le chant des Marais". Hè u cantu u più famosu natu ind’è i campi di cuncentrazione.  All'iniziu sta canzona hè stata scritta in alemanu in u 1933 da Johann Esser è Wolfgang Langhoff è a musica cumposta da Rudi Goguel.

Tutt’e trè eranu prigiuneri in u campu di cuncentrazione di Börgermor, situatu ind’è un rughjone  maremmanu.

A musica è u cantu facianu partita di a vita di i prigiuneri di u campu : i guardiani l’ubligavanu à cantà à l’appellu è quandu partianu à travaglià. Dunque, anu scrittu sta canzona in reazzione à ciò ch’elli vivianu ind’è u campu.

U titulu di sta canzona face rifarenza à i travagli in i pantani di u campu. U cantu dice e suffrenze di i prigiuneri è dinù e so speranze.

U cantu hè ricupiatu à l’appiatu, purtatu d’un campu à l’altru da i prigiuneri. Cusì, sta canzona hè prestu cunnisciuta. I liberati a pupulariseghjanu. Si sparghje in tutta l’Europa. Diventa allora u cantu internaziunale di i dipurtati.

A versione francese data di u 1943. Hè stata fatta da prigiuneri francese in u campu di concentrazione di Dachau. Ghjè sta versione ch’hè statta tradutta è  adattata in corsu da Jean-Joseph Franchi.

L'adattazione pulifonica è l'interpretazione in corsu fù fatta da u gruppu "Cinqui sò".

A prima quartina hè trista. Face allusione à l'acellu, chì simbulizeghja a libertà è l'alegria, ma quì, ùn hè micca prisente.                                             

A prima terzina dimostra l'angoscia di i prigiuneri.

A seconda quartina ci face vede a paura. Si paraguneghjanu à acelli in gabbia.

A terza quartina face allusione à e suffrenze è à a morte di quellu chì vole scappà.

 A quarta quartina face allusione à a futura libertà è à a speranza. U cantu di l'acellu mostra a libertà è a l'alegria d'esse liberi.

A seconda terzina face allusione à a ricustruzzione di una nuvella vita asserinata.

"U cantu di i Pantani" hè un cantu pulifonicu. Stu tippu di canzona si canta a trè voce, ci sò : u bassu, armonicu è sustene a seconda ; a seconda voce, chì hè a principale chì porta a meludia ; è a terza, chì hè ornamentale è hè l'ultima à intervene.  Si canta « a cappella ».